Hêvîya ke Bankayê Federalî yê DYA do peynîya emserî de rêja faîzan bîyaro war o, têvereştişê dovîzê Dollarî kerd ra.
Erja îndeksê Dollarî werteyê hewt aşman de %20 bîye berze. Semedê pêtbîyayîşê Dollarî ra pîyaseyê neweyî yê dinya kewtî tengasîye, çike zafê deynan bi Dollar ameyî girewtene.
Stratejîstê bankayê fransizî Regîs Chattelîerî rojnameyê CNBC de kerd eşkera ke berzbîyayîşê Dollarî ra tepîya welatê sey Tirkîya, Ukrayna û Venezuela ûsn. nika binê rîzîkoyê giranî der ê .
Chattelîerî analîzê xo de da zanayene ke “Halê Tirkîya çetin o. Hetê ra Tirkîya besekena bi erja peyserdîyayîşê petrolî kêmasîya butçeyê xo pado û nîya enflasyonî kontrol bikero. Labelê heto bîn ra kî qewetê Dollarî barê deynan kena tenêna giran.”
