Bîlançoyê 14. temmuze Dîyarbekir de giran o. A roje partîya kurdan BDP waşt ke yew mîtîngo sîyasî bivirazo, labelê waşitşê pêserameyîşî hetê dewleta tirke ra qedexe bî. Duştê nê qerarî de kurdan ancîya ceribna ke mîtîng bêro ca, labelê bi hezaran hêzanê polîsî hêrişê beşdaran kerd û nîya kaoso gonin rişîya Dîyarbekir de. Sey netîce xeylê kesî bîy birîndar û erzîyayê hepisxaneyan.

No hêriş de mabênê xeylê însanan de kî hîrê wekîlê BDP bîy dirbetin. Serekê beledîyaya Dîyarbekirî kî ame berdene bi nêweşxane. Xeylê kesî ra pîya di muxabîrê DÎHA binê nezaretî der ê. Polîs bi tomofîl û gaz kewt kuçeyan, pêrodayîşî sûke de qewimîyay. Sey netîce bi desan kesî bîy dirbetin, xeylê kesî kî amey girewtene binê nezaretî. Parlamentere Pervîn Buldan linga xo ra bîye birîndare, wekîlî Mulkîye Bîrtane û Ayla Akat bi serekê beledîya Osman Baydemerî ra pîya dirbetin amey berdene bi nêweşxane.

Hêzanê polîsî awa tazyikine û gaz duştê mucadelekerdoxan de xebitnay. Duştê nê şidetî de beşdaranê mîtîngî hîna sloganî sey “Seba azadîye xoverrodayîşo demokratîk” eştî. Esnaya pêrodayîşî de kî vengê çekan amey hesnayene. Xeylê kesî binê nezaretê polîsî de îşkence dî, amey kutene. Goreyê walîtîye ra nêzdîyê 85 kesî binê nezaretî der ê.

Serebûtê a roje hîna yenê pers û analîze kerdene.

CEWAB BIDE

Keremê xo ra şîroveyê xo binuse
Keremê xo ra nameyê xo binuse