Bi rayberîya Înîsîyatîfê Hunermendanê Cayîyan ê Dêrsimî ra, Mamekîye de xeylê rêxistinanê sîvîlan hêrişê çeteyanê terorîstan ê “Dewleta Îslamî” (DÎ) protesto kerd.

Nûmayîş Kuçeyê Hunerî ra dest kerd ci û meydanê Seyîd Rizayî de qedîya. Hemsereka beledîya Nurhayat Altun û xeylê endamê partîyanê bînan kî beşdar bîy. Nûmayîş de sloganî sey “Xo ver bidê Kobanê, Dêrsim leyê to der o”, “Wa biciwîyo xoverdayîşê YPG” û “Qetil DÎ Kobanê ra def be!” amey eştene.

Hunermend Huseyin Yildirimî vilaweka xo de qisey kerd va ke “Ewro kurdî duştê dormegirewtiş û îzolasyonî de hîna xo ver danê. Ê dinyaya bêvenge rê dersa însanîye danê. Ma kî na bêvengîye şermê xo de protesto kenîme. Ewro zerrîya ma seba Rojawan û Kobanê girpena. Kilamê ma herîkenê bi Rojawan.”

Vilaweke ra dime hunermendanê sey Metîn Kahraman ûêb. şîîr û kilamê xo vatî.