Tebîetê Dêrsimî viraştişê awbendan ra dime nika kî verê tehlukeyê cêrayîşê zerrnî bi madeyê sîyanurî der o. No duşt de xeylê dêrsimijan Pulur de protesto kerd.
Xeylê fîrmayê Tirkîya Dêrsim zerrn saye kenê. No cêrayîş de sîyanur yeno xebitnayene. Sîyanur herd (erd) û awe keno axûyin, dorûver xeripneno. Şîrketê Rio Tinto Tuncpinar a roje Pulur de ju (yew) buro kerd ra û dest bi sondajê zerrnî kerd.
Rîo Tînto û qilêrinkerdişê dorûverê Dêrsimî hetê dêrsimijan ra ame protesto kerdene. Komela Pulur û Dêrsimî, BDP û rêxistinanê sîvîlanê demokratîkan poştîya (piştîya) nê protestoyî da. Marşa protestoyî de sloganê jê (sey) “Ma dorûverê xo rê wayîr vejînîme”, “Rîo Tînto def be, Dêrsim yê ma yo” û “Mizur bêwayîr nîyo” amey eştene.
Pulur ra Firat Çilginî uca (uza) qisey kerd va, “Ma ke viraştişê awbendan û fealîyetanê cêrayîşê zerrnî jê (sey) terteleyo dîyin ê 1938 vînenîme. Ma nê projeyan rê ke duştê însan û tebîetê ma der ê, vanîme ke vindê. Nê şîrketê gonîwerî (…) naye bizanê.”
Şîrketê amerîkayijî Rîo Tîntoyî xeylê cayan de tebîet kerdîbî qilêrin û axûyin. Merdim (mordem) besekeno na adrese rê e-maîlê protestoyî birusno: http://www.riotinto.com/email_this_page.asp
