Dêrsim de grûbêda Tevgerê Cinîyanê Azad û Demokratîkan (DOKH) dewayê KCK ke Dîyarbekir de ca cêno, protesto kerd. Protestokerdoxan ra gore dewleta tirke wazena ke tevgero milî yê kurdan bi Hîzbullah biqedêno.

Seba ke dewayê KCK Dîyarbekir de newe ra dest kerdo ci, ju (yew) grûba DOKH Dêrsim de nimûne viraşt. Çalakîya roniştişî ra dime ke panc (ponc) deqayî ramite, protestokerdoxî verba Parkê Seyîd Rizayî şîy. Uca (uza) de Nevîn Balta qisey kerd va ke “Raverdayîşê qetilanê Hîzbullahî ke des serran ra ver komel gonî û gonaşir de verdaybî, tesaduf nîyo. Nika plan beno ke nê demê munaqeşekerdişê aştî û çareserkerdişî de tevgerê kurdan bi îslamo sîyasî bêro qedênayene.”

Balta ra gore kî kurdî nêwazenê sînoranê Tirkîya bivurnê, wa nê sînoran de otonomîya demokratîke wazenê ke kulturê xo û xo biseveknê.