Dêrsim Çoleneser de ju (yew) kommezela ke tede dorê 230 merdeyî, cinî û camêrd pîya, estê, ameye dîyene. Goreyê xebera Bîanetî temsîlkarê Dêrsimî yê ÎHD Bariş Yildirimî dewa Roşnekî de di ca de mezele dîye ke tede esteyî (asteyî) pêser o amey eştene. Yildirimî ra gore nê merdeyanê jenosîdê Dêrsimî ra mendê. Naye ser o serdozgerîya Komare yê Dêrsimî rê waştişname kî ame rusnayene.

Dima kî bi otopsî ra bêro tespît kerdene ke nê însanî çitur merdê û kam ê. Aye ra kî dot seba onurê merdeyan pêro meyîtî defn benê. Nêzdîyê kommezele de, dewa Gokçekî de, serra 1994 de vejîyo meydan ke di famîlyayanê ê cayî ra pêro însanî vîndîbîyaye yê.