Festîvala Kulturî ya Mizurî de 10.000 kirmancan duştê awbendanê dewleta tirke de protestoyêde şîyayîşî kerd. 10.000 merdim (mordem), cinî, kokim û cêncan rayan ser o awbendî protesto kerdî.

Şar raver ra Parkê Seyîd Rizayî de ame pêser, uca (uza) ra heta raya Pilemurîye-Erzinganî pay ra şî. Bi parolaya “Dêrsim ra heta Hiskêf (Hasankeyf) duştê awbendan de” 10.000 dêrsimijan teber ra protestoyêde girs viraşt. Sloganê “Mizur de baraj nêwazenîme”, “Awbend mevirazê, rijnenîme to ser” û “Dêrsim şeref o, şerefê xo rê wayîr vejîyê” koyan ser amey eştene.

Leyê zîyara Gola Çetû ya ke binê awa awbendê de manena, kele ame birnayene û rojnamegeran enformasyonêde kilmek da miletî.

1 ŞÎROVE

  1. Duşté awbendan de çalaki viraştiş weş o labele hîna zoné xo reyde viraştişî némusayme. Pankartî bı tırkî yene nuşténe, sloganî kî ancî bi tirkî yene eşténe. Ti vana welat welaté kurdistan niyo welaté tirkan o. Na néweşîye çi wext qedîna? Yew mi ré areze bıkero!

Comments are closed.