Beşê Partîya Mintiqayan a Demokratîke (DBP, bi nameyo kan BDP) yê Dêrsimî veng da ke seba ke ziwanê kurdkî de perwerde çin o, yew hewte boykotê mektebanê Tirkîya bêro kerdene.

15. êlule de Tirkîya û Kurdîstanê Vakurî de serra perwerdeyî dest kena ci. Seba ke mekteban de kurdkî hîna resmî sey ziwanê perwerdeyî nêameye qebul kerdene, beşê DBP yê Dêrsimî boykoto yewhewte rê veng da. Verê banê DBP de kombîyayîş virazîya, tede ame dayene zanayene ke “ma heqê perwerdeyê ziwanê dayîke wazenîme.” Bi vatena xo hemsereka partîye Leyla Akyildiz bawer kena ke boykot Dêrsim de do ca bicêro. Aye ra gore gerek kurdkî bibo ziwanê perwerdeyî. Akyildiz bale ante ser ke gerek her kes seba heqê xo yê ziwanê dayîke beşdarê nê boykotî bibo.

1 ŞÎROVE

  1. Partîya Mintiqayan a Demokratîke… Rejilene niyanen nebeno… Nameye no Mintika cino??? Caye sima xo inkar kene???? Sima nameye Dersim, Kurdistan ra sermayene??? Mak simara sermayeme… Caye ko sima peyniyede amey, onca inkaro… Harde xizirik sima inkar kero… Milet sono asme, iye mak sone mintika, pardon demokratik mintika… Sare ma rejilena niyanen sinen qebul keno, eqle mordem neceno…. PKK keske ti dinya namiyene, nika ma welate xok xelesneyime, dewleta xok ronay bime… Peyniyede feqe mara neyik sima ard vatene….

Comments are closed.