Goreyê xebara Ajansê Xeberan ê Firatî (ANF) ra, 24.08.2014 de çeteyanê rêxistina terorîste “Dewleta Îslamî” (DÎ) dewa Cidalê yê başûrê Koyê Şengalî de 15 êzîdîyî qir kerdî.
Dewa Cidalê de dorê 60 dewijî estbîy, zafêrîya înan kokim ê. Pêşê Koyê Şengalî de hîna tayê dewî estê ke mexsûr mendî. Qisimê nê dewan de kî dewijî nêwazenê dewa xo terk bikerê, vanê eke mirenê wa erdê xo ser o bimirê.
Melumatan ra gore roja 24. tebaxe de terorîstanê DÎ bi konvoyê 80 wasiteyan hêrişê dewe kerd, 15 kurdê êzîdîyî kiştî. Resiman de wehşîyetê hêrişî yeno dîyene. Na fay terorîstanê DÎ ûsulo newe xebitna: înan sereyanê însanan rê bombayî girê day û nîya qir kerd.
