Kaykerdoxê ekîbê Spanya Real Madrîd, Christiano Ronaldo, emser kî sey futbolbazo tewr rind ê dinya ame weçînitene. Bi % 37,66 yê pêro rayan, Ronaldo reya 3. xelata FIFA “Ballon D’Or” (Guda Zerrnêne) girewte.
Reqibê Ronaldoyî Lionel Messî ke par a xelate girewtbîye û nîya çar reyî bîbî futbolbazo tewr rind ê dinya. Emser Messî cayo dîyin ame – bi % 15,72 rayan. Ey ra dime kalevanê Almanya Manuel Neuer estbî. Neuer resa % 15,72 ê rayan.
2014 de Ronaldoyî 42 maçan de 52 golî eştî. Futbolbazê 29 serran merasîmê xelate de va: “Ez wazena her kesî rê ke ray da mi, înan rê, serekê mi rê, antronerê mi rê û Real Madrîd rê sipas bikerî. A serre qet mi vîr ra nêşona. Girewtişê na xelate çîyêde zaf bêemsal o.”
