Çend welatî do bikewê (bikuye) – Kenneth Rogoff

1
394

Ekonomîstanê tewr namdaran ê dinya ra, Kenneth Rogoff, bê ke name nîşan dayo, va ke o demêde nêzdî de îflazbîyayîşê „Yunanîstan, Spanya, Îtalya û Portugalî“ paweno (pîno). Rogoff va, „Bellîkerdişê wextî zor o, labelê (hama) nê îflazî do bibê.“

Ekonomîstanê tewr namdaran ê dinya ra, Kenneth Rogoff, da zanayene ke sebebê deynê pêroyî ra Yunanîstan, Portugal û Spanya demêde nêzdî de do îflaz bê. Rogoff seba ameyox tey vet ke sebebê nê deynan ra ke ê bê raverfikrîyayîşî ameyî masnayene, nê welatî do bikuye îflazî ver.

Serekonomîsto kan ê ÎMF û profesorê ekonomî yê Unîversîta Harvardî, Kenneth Rogoff, va ke „Krîzanê sektorê bankaçîyîye ra pey ma zafane vînenîme ke mabênê çend serran de tayê welatî pede-pede xo verba îflazî de vînenê. Ez tekrarbîyayîşê tarîxî pawena (pîna).“

„Faîzî ke benê berzî, lerzayîş dest keno ci“

Rogoff da zanayene ke gama ke ekonomî faîzê pîyaseyan bena raver, o wext welatê Ewropa sey (jê) Yunanîstan û Portugal do zaf probleman ra bivîyarnê û welatê raverşîyayeyî sey DYA, Japonya û Almanya do probleman pê kemberçîpkerdişî çareser bikerê. Rogoff serra 2008 de bi verêranîşandayîşê îflazbîyayîşê bankayanê girsan ê DYA rexneyê (krîtîkê) cîya-cîyayî girewtîbîy. Deynê Yunanîstanî yê 2009î 300 mîlyarî Euro yê. Na reqeme deynanê Rûsya yê serra 1998î ra û deynanê Arjantînî yê serra 2001î ra panc qatî zêde r’ a.

1 ŞÎROVE

  1. Ziwanê mi kurmanciya; ez dimilkî zahf nêzono; tayn zono. Ez şima wazenê ko keyn û may û dapîranê ma yê nomdar binasnîn; da ko hemû ‘alem bizon ku ma nê tenê warê merdiman di, heman wext di warê jinan di zî xwedî nom û nîşon a.

Comments are closed.