Hetê Kamer Soylemez û Eren Kiliçî ra çar kitabê kirmanckî (zazakî) amey çap kerdene. Nînan ra hîrê kitabî kitabê domanan ê, yew (ju) kî seba musayîşê alfabeya kirmanckî yo. Kitabê domanan kî derheqê heywanî, zerzewat û êmîş û hacet û qabî de bi xeylê resiman seba musayîşê kirmanckî ardimêde girs ê.
Weşankarê kitabî no derheq de nîya vanê: “Ma henî fikrîme ke ziwan (zon) û kulturê ma bi (ebe) nê çar kitaban hebêna beno dewlemend. Heta nika tabî xeylê kitabî vejîyayî, xeylê merdimî (mordemî) goreyê xo emeg danê. Nika ma kî werteyê nê emegdaran de cayê xo cênîme. Naye ra tepîya vilabîyayena na emegî ser êndî (êdî) qerarê şima wendoxan o. Ma henî omid kenîme ke hem rexneyê şima hem kî emegê ma cayê xo vînenê. Alfabe ra qederî hîrê kitabî bi zazakî, almankî û tirkî nusîyayê.”
Fîyatê yew (ju) kîtabî 7 Euro (+ pereyê kargoyî) yo, pêro çar kitabî kî seba 20 Euro (+ pereyê kargoyî) yenê rotene. Kam ke wazeno nê kitaban biherîno, şîkîno nê adresan rê e-maîl birusno:
