Ma merdimî (însan) zanayêne ke bi (ebe) werdo weş û werdişo rast yew (ju) hewte de cîldê xo beno rindek? Pisporan nika da zanayene ke bi werdişo rast leşa însan yew (ju) hewte de beno weş û rindek.
No çitur beno? Bi kilmekîye, gerek ke her roje êmîş û tarrûtûr bêrê werdene. Pisporê weşîye vanê ke merdim her roje wucud û posteyê xo de maddeyê antîoksîdant bivirazîyo. Leşa ke besenêkena antîoksîdantan bivejo, însan mecburî çimeyê antîoksîdantan, yanî xeylê fêkî û zerzewat biwero. Sey (jê) misal, sosê tomatêse wucud de para antîoksîdantan kena berze.
Manîyê bîyayîşê antîoksîdantan sey nimûne werdişo çapiko rûnin, yanî fast food o. Domanê ke xeylê fast food, mavajîme doner, tost, hamburger ûsn. wenê, wucudê înan de para antîoksîdantan bena kêmî. Domanê ke her roje êmîş û tarrûtur wenê, leşa xo de para antîoksîdantan bena zêdîye. Nînan ra qederî alkol, cixara û bêhewnîye benê sebebê stresî ke kî para antîoksîdantan kena kêmî.
Tayê cinîkî qîymetê maddeyê antîoksîdantî zanenê û ceribnenê ke bi (ebe) makyajê bi qerpuze para antîoksîdantan cîldê xo de zêde bikerê. Na rast a, la emrê antîoksîdantan teyna 1-2 rojî kilm o.
Pisporan ispat kerd ke leşa kamî de ke zêde antîoksîdantî estê, qirmiçikî cîldê înan de kêmî yê. Wucudê înan cênc aseno û weş o. Vera qirmiçikan gerek merdim (mordem) werdê ke para xo yê antîoksîdantan berz a, biwero. Nê tomatêse, hengure û çaya kesk ê. Însan cixara, stres, fast food û alkol ra dûrî vindero. Nîya cîld rindek û wucud cênc maneno.
