Sîyasetkara kirmanca Dêrsim Bese Xozat rojnameyê tirkî Sabah de qisey kerd û fikrê xo derheqê tayê meseleyî de da zanayene. Bese Xozat qal kerd ke wekîlê CHP ye Dêrsim Huseyîn Aygun mordemê dewleta xorîyo. “Ardena Kemal Kiliçdaroglu ye serê CHP Dêrsim e ju heqeretê girso. Sîstem wano ke, na partîye ti qir kerd, tora ju kes ik an serê na partîye. Kiliçdaroglu ju mordemê xasê dewleto, o ju kadroyê rindo na partîya qirkerdoxo. Nikak no Aygun veto, mordemê dewleta xorîyo. Nîya dorme Dêrsim cene.”

Bese Xozat qiseykerdişê xo de derheqê îtîqatê Dêrsim nîya va ke “Ez Dêrsim de amo dînya û uska bine pîl. Pîlenê ma, mara vatene ke ma kirmanc me, elewîy me. Ma xore zaza nêvato, zazayene tepîya ame vetene. Hen vane ke zaza y ju miletê bîne, zaza yik kurd ye. No, ju konseptê qerifnayîşê Dêrsim kurdî ya yo. Na taw îk ebe elewîyen vazene ke tayê çîyî biveze. Raştîya xode kulturê Dêrsim, kulturê zelalê kurd o. Teber bimbarek o, awe bimbarek a, tîj bimbarek a, dare bimbare a, hard bimbarek o, asme bimbarek a, her çîyê xode aştîya. Kulturê nîya rindek beno? Na semeda serê asîmîlasyonê îtîqat polîtîkayê girs virazene.”

1 ŞÎROVE

  1. Sima ke vane, herise sere Rojava herise Tirkiya yo yaki ma devlete nivazeme, o waxtik dorme Dersim ik cene, Huseyin Aygun ik niya beno, iye binik. Simake dewlete bivastene, o waxt Huseyin Aygun ik niya qisey nikerdene. Sima ke prensebe xore bosta xo carnane, iye binik niya bene. Yani qanune bingeye diyalektik yaki qanune relativeyi. Peyniyede wekile BDP yik parlamentoye tirki de nisenero, Aygun ik, yani ferqe xo ciko ke???

Comments are closed.