Qerarê dadgehê Tirkîya ra tepîya ke dewaya KCK de vatîbî kurdkî “zonêde (ziwanêde) nêzanaye” yo, Kurdîstanî de protestoyî vejîyay meydan. Ardimkerê wezîrê BDP Bengî Yildizî aye ra parlemonto de bi (ebe) kurdkî qisey kerd. Parlamentera BDP Gulten Kişanak kî naye ser o da zanayene ke kurdî êndî kotî yo ke lazim o, wa uca (uza) bi kurdkî qisey kenê.
Bengî Yildizî kursîyê parlemontoyî de ferhengê kurdkî ke hetê Enstîtuyê Kurd a Îstanbulê ra ameyo weşanayene, musna û va: “Kam ke vano kurdkî zonêde (ziwanêde) nêzanaye û bêfehm o, bizano ke kurdkî de 40.000 teneyî çekuyî este. Heta ke kurdkî bêro fehm kerdene, ma zonê (ziwanê) xo qisey kenîme. Erdogan her wext vano ke partîya xo de 75 wekilê kurdî estê. Labelê dadgehî vanê ke zonêde (ziwanêde) jê (sey) kurdkî çin o û parlameneteranê kurdan ê AKP ra qet veng nêvejîno. Tenê ar bikere.”
Yildizî da zanayene ke naye ra tepîya BDP de qeseyê rakerdişî bi kurdkî kenê. Yildizî ra tepîya parlamentere Gulten Kişanak bi kilmekîye qisey kerd vat, “Bi peymana Lozanî ra Tirkîya de qiseykerdişê zonê (ziwanê) dayîke qebul beno. Ma kî no semed ra kotî yo ke lazim o, uca bi kurdkî qisey kenîme.” Naye ra kî dot Kişanak va ke aşmêna Hewlêr de ju (yew) buroyê BDP beno ra.
BDP rindo keno, labele qerer tene herey amo, cike ziwan estbiyayena yew saro. Ziwan ma ca yeno qedexekerdene u inkarkerdene hona fam nikerd. Nika dina endi vuriyo dem u dewran vuriyo, sare kurd endi miyannetewiye de zaf rind yeno naskerdene labele Tirkiya hona hesar nibiyo. Ci hef o ke ma nika ziwan sari ziwane mara rind zanime.
BDP pir rind kiriye, gerek ma hamiyon ziwane xwo xwodi derkewen!
Kurmanci u Kirmancki ziwane ma hamiyono! gerek hamu kurd xwo jew bigere Cando (Kultur) xwo, Ziwane xwo, Ola (Dine) xwo xwodi derekewe!