Serekê Herêma Kurdîstanî Mesûd Barzanî roja çarşemîye dest bi turê Ewropa kerd. Raywanîya xo de Barzanî Fransa û Îtalya zîyaret keno ke têkilîya nê welatan bi Herêma Kurdîstanî munaqeşe bikero.
Goreyê melumatê keyepelê hukmatê Herêma Kurdîstanî Mesûd Barzanî do serekkomarê Fransa François Hollandeyî zîyaret bikero. Aye ra qederî Barzanî şono Vatîkan Papa Francisî het ke rewşa Îraq û Kurdîstanê Başûrî ser o qisey bikerê. O ra dime muzakerê Barzanî bi desthilatdar û sîyasetmedaranê bînan ê Îtalya esto.
Destpêkê na aşme de Mesûd Barzanî şîbî paytextê Urdunî Emman û uca bi qiral Abdullah II. ame têlewe.
