Serekê Herêma Federal a Kurdîstanî Mesûd Barzanî vizêr qezaya Pirmanî ya Hewlêrî de Ofîsê Serekîye de serekê parlamentoyê Kurdîstanî Yusif Muhammed, hetkarê serekî Qusret Resûl Alî, hetkarê serekwezîrî Qubat Talabanî û temsîlkaranê partîyê sîyasîyî, xirîstîyan û tirkmenan de ame têlewe.

Yew mewzûyê kombîyayîşî referandumê xoserîya Herêma Kurdîstanî bî. Xebera ke Rûdaw ser o weşanîyaye, aye ra gore Barzanî beşdaranê kombîyayîşî ra va ke “Şima ke piştîya mi bicêrê, şima ke hetê mi kenê û tenaquzanê mabênê xo de çareser kenê, ez desinde ewro xoserîye îlan kena.”

Kombîyayîş ra dime keyepelo resmî yê Serekîya Herêma Kurdîstanî de yew vilaweke weşanîyaye. Tede Barzanî vano ke DYA êdî kurdan sey verî nêvînenê, la dest danê heqê çarenuştişî yê kurdan. Wexto ke Barzanî Macarîstan û Çekîstan zîyaret kerdbîyî, her di welatan kî destekê xo yê sîyasî, eskerî û ekonomî seba Kurdîstanê Başûrî îlan kerdbî.

3 ŞÎROVEYÎ

  1. serokê delale ma, ma bî her çîyê xo piştîya sima cenîme. Her sar azadîya xo çetîn û bî gonî girewt. Gonîya sarê Kurdan bes risiya. Vireno îlankerdisê Kurdistano azad gerekeke sima rave pero Kurdan biyere telewe, pesmergeyî û gerîllayî bine Artesha Kurdistan yew kere, ekonomîyê Kurdistan pêt bikere. Bî ney faktorî kes besenikenoke verê dewleta Kurdistan bindero. Hevî tena simadero Serok Barzanî, ney simak rind zonene.

  2. ee de bıke keko ma kam vano meke? to dıma 20 milyon kırmancê İraq este ha Tırkıye dek 30 milyon este

  3. Bira hen asan niyo ju dewlete ronayise. Se Meymane Usari vato, rave gerekeke cekane modern, artesa yew, ekonomiye pet u giredayise rinde miyannetewi lazimo. Labele giran u giran dewleta ma asena.

CEWAB BIDE

Keremê xo ra şîroveyê xo binuse
Keremê xo ra nameyê xo binuse