Serekê Herêma Federal a Kurdîstanî Mesûd Barzanî keyeyê şehîd Hucam Sûrçî zîyaret kerd.

barzani surciGoreyê xebera Rûdawî ra Barzanî seba pîrozkerdişê newroze şî keyeyê Sûrçîyan. Barzanî va ke o bi xo besenêkeno zîyaretê pêro keyeyanê şehîdan bikero, coka nameyê pêro şehîdan de zîyaretê keyeyê şehîd Hucamî keno.

Hucam Sûrçî aşma çeleyî verê kameran de hetê çeteyanê “Dewleta Îslamî” ra amebî qetl kerdene. Şehîd Sûrçî ra tepîya 11 sêwî manenê.