Serekê Herêma Federal a Kurdîstanî Mesûd Barzanî Çarşemeyo Sûr ê êzidîyan pîroz kerd va ke o bi xo soz dano ke êzîdîyan terorîstanê “Dewleta Îslamî” (DÎ) ra bisevekno.

Barzanî da zanayene ke êzidîyî parçeyê Kurdîstanî yê. “Heta nika qet dişmenî besenêkerd kurdanê êzidîyan bişikno, coka duştê pêro teda û kerdişanê xeyrê însanî yê DÎ de ma nêrijnayîme.”

Emser êzidîyan Çarşemeyo Sûr bi xemginîye pîroz kerd. Komelê êzidîyan de pêşmergeyî giran rexne bîyî ke destpêk de besenêkerd Şengal biseveknê. Nika Barzanî giranî dano ser ke pêşmergeyan kî Şengal kerd azad û canê xo dayî. “Zafêrîya Şengalî hetê hêzanê pêşmergeyan ra ameye azad kerdene. Caran kurdê êzidîyî Kurdîstan û neteweya kurdan ra cîya nêbenê,” Barzanî va.

Texmînan ra gore 130.000 êzîdîyî DÎ ra remayî Herêma Kurdîstanî. Bitaybetî hêrişê Şengalî de xeylê êzidîyî amebîyî kiştene, cinîkî ameyî rotene û tecawuz kerdene. Hîna 5.000 êzidîyî vîndîbîyaye yê.

CEWAB BIDE

Keremê xo ra şîroveyê xo binuse
Keremê xo ra nameyê xo binuse