Serekê Herêma Federal a Kurdîstanî Mesûd Barzanî Mexmûr, Giwêr û Hazir de cebheyê herbê duştê DÎ de zîyaret kerd. Zîyaretê xo de Barzanî kî şî leweyê gerîlayanê HPG.

Seba ke reşwe nêzdî ra teqib bikero, Mesûd Barzanî şî cebhe. Uca serdaranê pêşmergeyan derheqê rewşa cebhe û amadekarîya cengî de melumatî day Barzanî. Barzanî kî da zanayene ke mucadeleyo muşterek yê pêşmerge û gerîla tarîxî yo. “Bitaybetî no proses de pêro dinya pê mucadeleyê şarê kurdî duştê terorî de hurmetêde girs vînena. Çike no teror teror o ke belaya pêro dinya û însanî ya. Bawer bibê ke no hal peynîye de kurdan rê do bixeyr bibo. Serkewtox do Kurdîstan bibo. Gerek çimanê ma pêrune de serkewtişê şarê kurdan bibo”

Goreyê xebera Ajansê Xeberan ê Firatî (ANF) ra, Barzanî Mexmûr de hem pêşmergeyan de hem kî gerîlayanê Hêzanê Pawitişê Şarî (HPG) û Yewîya Cinîyanê Azadan (YJA-STAR) de ame têlewe. Kombîyayîşê bi berpirsîyarê Yewekanê Pawitişî Tekoşer Zagrosî û serdaranê bînan de, Barzanî seba lebat û kedayê gerîlayan sipas kerd. Barzanî va ke “Cebheyê ma yew o, qederê ma pêrune yew o. Şima birayê ma yê.”

1 ŞÎROVE

  1. Kirmanc ke yene telewe cutir beno rindek. Ju olveze mi eure seba na tablo nustre berva, miroziniyera ney, sebayis ser. Hata ke xoseriya Kurdistan nebeno, ez van ke pero partiyi martiyi cadere. Be xoseriye cutir perti beno, dinya ney hata nika nediyo. Endi waxt artesa netewiya Kurdistan a.

CEWAB BIDE

Keremê xo ra şîroveyê xo binuse
Keremê xo ra nameyê xo binuse