Serekê Kurdîstanê Başûrî Mesûd Barzanî Moskova de bi serekkomarê Rûsya Vladîmîr Putînî ra ame têlewe. Aye ra kî dot Baraznî wezîrê karanê teberî yê Rûsya Sergey Lavrov dî. Zîyaretê Barzanî tarîxê Kurdîstanî û Rûsya de zîyaretê verêno resmî yo.

Badê ke mabênê hukmatê Îraq û Kurdîstanî bî xirabin û DYA di hetan ra tenê dûrî vinitî, Kurdîstan seba faydeyê xo yê stratejîkî destekê Rûsya saye keno. Zîyaretê Barzanî de meselê sîyasî û ekonomîkî munaqeşe bîy. Bitaybetî peymana petrolî werteyê Kurdîstanê Başûrî û şîrketê petrolî yê Rûsya Gazprom NEFT no zîyaret de ameye pêt kerdene. Seba ke nê şîrketî hetê hukmatê Îraqî ra teda dîye ke no pêameyîş bêro şikitene, no kombîyayîş muhîm bî. Gazprom NEFT wazeno ke hîna zaf bi hukmatê Kurdîstanî pîya bigureyo û peymanayanê neweyan rono.

Mesûd Barzanî televîzyonê Rûsya de qisey kerd û nîya vat: “Zîyaretê ma hem sîyasî û hem kî ekonomîk o. Naye ra qederî, ma bi sermîyanîya Rûsya ra derheqê problemanê Sûrîye û helkerdişê nê probleman de qisey kerd. Ez tîya ra wazena şarê Rûsya rê sipas bikerîne, çike înan wextê xo de pîyê mi û hevalê ey seveknay. Ma bawer kenîme ke têkilîya ma hîna rind dewam bikero.”

Kurdîstan sektorê petrolî ra qederî wazeno ke Rûsya ra çekan biherîno.

1 ŞÎROVE

Comments are closed.