Seba ke merkezê qeza û newala Pilemurîye de sazgehê awguznayîşî çin o, gendawê kanalîzasyonî herikînê Awa Pilemurîye.
Kanalîzasyonî zafêrî aîdê qereqol û cayê roniştişî serê newale der ê. Seba ke gendawe herikîna Awa Pilemurîye, cayîyê Pilemurîye benê nêweşî. Bitaybetî eke hewa beno germ, qilêrê Pilemurîye û Pulurî beno zêde.
Qezaya Pilemurîye de dorê 1.700 kesî ciwînê, labelê hîna sazgehê awguznayîşî çin o. Ancîya, gendawa kanalîzasyonê qereqol û cayanê roniştişî yê cendirmeyan ke Pirdo Sûr û Deşte de manenê, herikîna Awa Pilmurîye, nîya dorûver û weşîya însanan binê tehdîd der ê.
