Huseyîn Çelîkî, spîkerê partîya AKP ya Tirkîya, da zanayene ke heqê tayînkerdişê qederê xo yê kurdanê Îraqî esto.
“Kurdê Îraqî bi xo besekenê weçînê ke binê kamcîn şekil yan kî name de biciwîyê.” Eke Îraq parçe bibo, Çelîkî ra gore “heqê kurdan ê tayînkerdişê qederê xo, seke yê netewe, esto.” Bi Çelikî, Îraq sebebê sîyasetê Malîkî yê mezheban ra xora şono ver bi letebîyayîşî.
Nê rojan de Tirkîya û Herêma Kurdîstanî yew peymana 50 serran îmza kerd ke petrolê kurdan pê Tirkîya Cehyan ra neql bibo. Derheqê heqê tayînkerdişê qederê kurdanê Kurdîstanê Vakurî de Huseyîn Çelîkî hîna çîyê nêva.
Kam înura pers kerdo ke? Mara dûrrî vindere beso.