“Aghet” Xelata Televîzyonî yê Almanya girewte

0
180

Fîlmê dokumenterî qirkerdişê armenîyan ser o “Aghet – Ju (yew) Jenosîd” roja 10.10.2010 Xelata Televîzyonî yê Almanya şaristanê Kolnî de girewte. “Aghet” ke manaya “felaket, afet”î der a, produksyonêde NDR (Radyo û Televîzyonê Almanyaya Vakurî) o ke 90 deqayî rameno û qirkerdişê armenîyan wextê împaratorêya osmanîyan de musneno. Texmînan ra gore no jenosîd de 1,5 mîlyonî armenîyî amey qir kerdene. No jenosîd ewro hetê dewleta Tirkîya ra jê (sey) rastîya tarîxî nêna qebul kerdene.

Fîlm hetê viraştişî ra henî yo ke kaybazî rolê sayîdanê tarîxî cênê û nîya qalê trajedîya armenîyanê Kurdîstanî kenê.