Serekkomarê Tirkîya Abdullah Gul portalê vîdeoyan Youtube de meymanê programê World Viewî bî û uca (uza) cewabê persanê xebitnayoxanê Înternetî da. Nê persan ra ju (yew) kî mesela Dêrsimî ser o bî. Gulî cewabê xo de da zanayene ke ey ra gore qet astengê rakerdişê arşîvanê Dêrsimî çin ê.

Persê “Derheqê serebûtanê Dêrsimî de fikrê şima çik o” ser o, Gulî nîya cewab da: “Na mesele ewro zaf munaqeşe bena. Rasta ci, ez ke unîversîte de bîya, mi na babete ser o wendîbî. Tarîxê ma tarîxêde girs o. Labelê zereyê tarîxî de hem rojê şîrinî hem kî rojê tengî benê. Tarîxê mayo nêzdî de kî serebûtê Dêrsimî serebûtê dejdaye yê. (…)

Qenaetê mi ra gore no pê wijdanê însanî û heqanê merdiman (mordeman) nêşikîno. No derheq de ez vana ke rakerdişê arşîvan de qet mahsûr çin o. Welatê girsî, miletê girsî tarîxê xo ra nêtersenê. Ma naye eşkera vanîme. Ma kî arşîvê babetanê bînan ke munaqeşe benê, kenîme ra. (…) Ez rakerdişê arşîvan seba zanyar û tarîxnasan, seba ke her kes tede biwano, ez naye de qet mezhûrê nêvînena.”

CEWAB BIDE

Keremê xo ra şîroveyê xo binuse
Keremê xo ra nameyê xo binuse