[wide]
[/wide]Kovara Forbesî ra gore Leonardo DîCaprîo hunermendo tewr dewlemend ê serra 2010 o. Kaybazê Hollywoodî ju (yew) serre de 77 mîlyon Dollarî qezenc kerd.
Reya verên a ke DîCaprîo lîsteya Forbesî de cayo juyin (yewin) cêno. Aktorê semtî 2010 de di fîlmanê serkewteyan, Inception û Shutter Island, de kay kerdîbî. Cayo dîyin kî kaybaz Johnny Deppî girewt. Depp serra 2009 de hunermendo tewr zengîn bîbî. Bi fîlmanê xo Pirates of the Caribean û Rango ra ameyeyê ey ê a serre 50 mîlyon Dollarî bîbî.
Cayo hîreyin kî Adam Sandlerî girewt. Kaybazê amerîkayijî serra 2010 de 40 mîlyon Dollarî qezenc kerd. Cayo çarin de Wîll Smîth yeno dîyene. Smîthî serra 2010 de 36 mîlyon Dollarî girewt. Ey ra dime cayo pancin de Tom Hanks bi 35 mîlyon Dollarî yeno.
Forbes ra gore kaybazanê cinîyan ra Angelîna Jolîe û Sarah Jessîca Parker serra 2010 de 30 mîlyon Dollarî qezenc kerd. Jennîfer Anîston kî 28 mîlyonî de mende.
Analîstanê lîste ra gore bi globalbîyayîşê dinya ra deyîrbaz, kaybaz, futbolbaz, manken û sermayegozarê spekulatîfî tewr zêde pere qezenc kenê.
