Melumatê Organîzasyonê Weşî yê Dinya (WHO) ra gore xebitnayîşê telefonê destan rîskê qenserê mezgî keno zêde. Seba ke telefonê destan radyasyon dano teber, no îhtîmalê tumorê mezgî virazeno.
Tesîrê kanserojenê telefonê destan pisporê weşî yê WHO bi 2B sinif kenê. Sinifa 2B de tayê elementê kîmyewî, gaz û pestîsîtê DDT estê. Na sinife yena ra a mana ke telefonê destan tesîrêde xirabin keno leşa însanî ser o. Pisporan kerd eşkera ke xebitnayîşê telefonê destan bitaybetî tumorê mezgî peyda keno. WHO îqaz kerd ke telefonê destan rîyê tesîrê xoyê radyoaktîfî ra avtîvîteyanê mezgê însanî vurnenê.
Kamî de ke telefonê destan esto, xo zerarê ci ra nîya bisevekno:
- Headset (setê goşan) de telefon rakerê ke radyasyonê telefonê destan zerar medo goşanê şima. Headset ê ke bê kablo yê, înan de kî tenê radyasyon esto, labelê zêde nîyo.
- Hurendîya (herinda) qiseykerdişî de mesaj birusnê.
- Telefonê xo jê (sey) saeta alarmî mexebitnê. Seba ke telefon leweyê cile û leşa şima der o, radyasyon şima keno nêweş. Bizanê ke telefono cadaye kî radyasyon dano. Cayê telefonî caran cayê odaya rakotişî nîyo.
- Telefon cêbanê xo mekerê. No rîskê qenserê herzan keno zêde.
