Verê buroyê partîya konservatîf a Tirkîya MHP yê Dêrsim de ju (yew) bomba peqaye. Sebebê peqayîş ra kesê dormeyê buroyî kotî panîkî. Kesî zerar nêgirewt.
Mamekîye de 12 ra tepîya ancîya (onca) MHP buroyê xo kerdîbî ra. Xeylê reyî nê ofîsî antîpatîya şarî ante (onte). Pekayîş de kes dirbetin nêbî, camê buroyî û tayê camê bananê (bonanê) bînan amey şikitene.
MHP 12 serran ra ver ofîsê xo semedê tahdîdî ra daybî ca. Xarpêt ra Osman Gurî hîrê aşmeyan ra ver bi 21 kesan sermîyanîya MHP Mamekîye de daybî ronayene.
