Sûsika Simo serra 1925î dewa Mîrekeda de keyeyêdo êzîdî ra yena dinya. Wexto kilm ra dima keyeyê aye bar keno şono Gumru û Simo uca dest bi perwerdeyê xo kena. Tepîya, Unîversîteya Erîwanî de tib wanena û doktoraya xo bi serkewtiş qedênena. Tayê serran sey doktore gureyena, dime ra xo dana kilaman ser.
21serrîta xo ra tepîya sahneya dewleta Sovyetan de kilamanê kurdkî wanena, nîya bena dengbêja tewr verên a ke vejîna sahne. Dima, radyo Erîwan de programê muzîkî virazena. Uca, a bi kilama xo ya “Miho”yî yena naskerdene û heskerdene. Ê demî de a bi namdaranê sey Egîdê Cimo û Kulya Neftalyan de pîya gureyena.
Wexto ke Simo konserî dayêne, sereyê xo bi kefîye ra girê dayêne û kincê kesk, zerd û sûrî pira girewtêne. Armenîstan ra teber Simo Gurcîstan û parçeyanê Yewîya Sovyetan ê bînan de kî konserî dayî.
Sûsika Simo serra 1977î Erîwan de şona heqîya xo.
