Hemkarîya werteyê artêşa DYA û YPG nika kî yena sînema. Wezîra DYA ya teberî ya kane Hillary Clinton û çêna xo Chelsea pê şîrketa xo HiddenLightî hîkayeya şerwananê cinîkan ê YPG çarnenê yew fîlm. Senaryo kitabê nuştoxe Gayle Tzemach Lemmon “Çênê Kobanî: Hîkayêda Serewedaritiş, Xirtî û Edaletî“ (The Daughters of Kobani: A Story of Rebellion, Courage and Justice) ra yeno ke tede mewzû xoverodayîşê şêrwananê kurdan ê Kobanî verba çeteyanê DAÎŞ o.
Vilaweka rojnameyê “Hollywood Reporter” de Clintonî nîya qesey kerd “Ma HiddenLight viraşt ke qehremanan pîroz bikerîme – hem qehremananê namdaran hem kî qehremananê nêzanayeyan. Xirtîya nê qehremenan zafê reyan nêna dîyene û coka ma zaf benîme şa ke na hîkayeya îlhamdayoxe bîyarîme verê çimanê temaşekerdoxanê dinya.”
Kitabê Gayle Tzemach Lemmon 16. gucige de weşanîno. Seba nuştena nê kitabî nuştoxe bi seyan saetî bi çekdaranê YPG û YPJ roportajî kerdîbî.
