Qayûmê şaristanê (sûka) Kurdîstanê Vakurî Sêrt Alî Fûat Atiko ke hetê AKP û MHP ra hurendîya serekanê beledîya de amo ronayene, 30. gulane de qerar da ke kitabxaneyê şaristanî yo ke nameyê ci Celadet Alî Bedirxan o, biriznîyo. Sebebê riznayene qayûmî nêvato.
Serra 2016î de kî rejîmê tirkan dest nabî kitabxaneyî ra. O waxt tabeleya kurdkî ya kitabxaneyî be kitabanê kurdkî ra amebî wedaritene. Weçînitena cayîye yê asma adare (marte) ra dime tabela onca ameye dardekerdene.
Celadet Alî Bedirxan roşnvîrê kurdan o verên ra ju yo. Serra 1932î Sam de kovara Hawarî vete û bingeyê alfabeya kurdkî na ro.
