Fîrmayê elektronîkî yê Kore “Samsung” reklamê xo yê telefonê destan yê serra 2011 de viraştoxa moda ya kurde Olcay Gulşen da kay kerdene.
Olcay Gulşen Hollanda de ameya dinya û uca (uza) de bîya pîle. Karîyerê xo yê moda de Olcay Gulşen xeylê bîyê serkotîye, nameyê markaya xo “Supertrash” o. Olcay Gulşen emser pêro reklamanê telefonanê destan ê Samsungî de kay kena.
Markaya moda “Supertrash” Olcay Gulşen Îngilîstan, DYA û 24 ra zêde welatan de dana rotene. Pisporan ra gore erja na fîrma 22 mîlyon Euroyî ra zêde r’ o. Plano newe ra gore Olcay Gulşen wazena şaristananê Îngilîstan Londra, Lîverpool û Manchester de butîkanê neweyan rabikerê. Heta nika 200 ra zêde butîkê xo estê.
Olcay Gulşen 30 serre der a û kurdanê Armenîstanî ra ya.
