Wextê noelî de paytextê Swêdî Stockholm de ju (yew) suîqestkerî xo teqna, labelê ey ra teber qet kes nêmerd. Polîsê Swêdî ra gore hedefê xo ciddî bî û welat de tehlukeyê terorî esto.
Teqayîş de sirf ju (yew) erebe teqa û di sîvîlîstî bi (ebe) dereceya sivike bîy dirbetinî. Melumatan ra gore çend teneyî bombayî leweyê suîqestkerî de estbî, labelê înan ra sirf juyê teqa. Yeno vatene ke hedefê hêrişkarî cayo qelebalix “Drottninggatan”î bîyo. Uca (uza) xeylê kesî şonê peyê hewteyan de herînayîşê xo kenê.
Polîs vano ke suîqestkerî raver ra Înternet ser o di vilawekî neşr kerdî û sebebê aktîvîteya ordîya Swêdî yê Efxanîstan ra cengê dînî duştê welatê Swêdî de îlan kerdo.
