Dîzaynkaro alman Mîlan R. Vuckovîcî yew vîdeoyo ke tede pêro hêrişê terorîstan ê 15 serranê peyênan yenê dîyene, viraşt.
Serra 2014 de 32.650 ra zêde însanî suîkastanê terorîstan de ameyî kiştene. Serra 2013 ra gore no zêdîyayîşê %80 yo. Vîdeoyo ke Vuckovîcî viraşto, tede serra 2000 ra bi nat pêro suîkastê ke tey 20 ra zêde însanî merdî, yenê musnayene. Çimeyê nê vîdeoyî databasê terorîzmî yê mîyanneteweyî (Global Terrorism Database) yo. Çimeyê emserî kî ajansanê xeberan ra ameyî. Binê vîdeoyî de yew not esto ke seba ke hende melumat arê dîya, tayê xeletîyî normal ê. Coka zafê hûmaranê nê vîdeoyî texmîn ê.
Tena hêrişê ke tede 20 ra zêde însanî merdî, vîdeo de ca cênê. Hûmara merdeyan ra gore nîşanê cîya-cîyayî kî estê. Peynîya vîdeoyî de Vuckovîc vano ke zafê reyan terorîstî hedefê xo nêresenê. Wa ganî no nîya bimano.
Destê we xweş be ku hûn xebatên balkêş û muhim bi me re parve dikin.
Destxweş.