Xebera ajansan ra gore, ewro gerîlayanê HPG Mamekîye de hêrişê qereqolê polîsî “Şehîd Nahît Bulut”î kerd. Hêriş de roketeştox û çekê giranî ameyî xebitnayene. Sey netîce, merkezê şaristanî de pêrodayîş vejîya.
Melumato nikayin ra gore pêrodayîş de di gerîlayî bîyî şehîd. Têkewtiş hîna tayê taxan de dewam beno. Yew çimeyo tesdîqnebîyaye ra gore cinîkêda sîvîle canê xo da. Vanê, dirbetinî kî estê. Ê ke bîyê dirbetinî, ameyî berdene nêweşxaneyê Dêrsimî. Hûmara merde û dirbetinan hîna bellî nîya.
Şarî operasyonê polîsî protesto kerdo. Hemsereka Şaredarîye Nurhayate Altun kî Rayîro Serek ê Komare de mucadele kena ke pêrodayîş biqedîyo. Çi esto ke xeylê kuçe û rayîran de tîmanê taybetî rayî birnayî, dormeyê şaristanî girewt.
Înternet de yew vîdeoyo ke kiştişê di gerîlayan musneno, vejîya.
![mamekiye perodayis 04092015-2](https://dersiminfo.com/wp-content/uploads/mamekiye-perodayis-04092015-2.jpg)