Goreyê xebera keyepelê Zazakî.net ra hûmara 34. ya kovara Vateyî vejîya. Kovara Vateyî koverêda kulturî ya, serra 1997 ra bi nat teyna bi (ebe) kirmanckî vejîna û serra 2003 ra nat hetê Weşanxaneyê Vateyî ra yena çap kerdene.Tede nuştoxê kirmancî hîkaye, cigêrayîş, şîîre, fiqra, meqale ûsn. nusenê.
Na hûmare de netîceyê kombîyayîşê 18. yê Grûba Xebate ya Vateyî ke rojanê 07.-10.08.2010 de Dêrsim de virazîyaybî, cigêrayîş derheqê heyatê Yadoyî de (nuştox: Ehmedê Dirihî), nuşteyê “Kirmancê Qers û Erdexanî” (Serwer Akkaş), “Folklorê Dêrsimî de Çend Heywanan Ser o” (Ozcan Yilmaz), “Destpêkê Edebîyatê Modernî yê Kirmanckî (Zazakî)” (Roşan Lezgîn), “Heskerdişî Ser o Çend Vateyî” (Prof. Dr. Ehmed Gurbuz), “Kiş Kiş Kergê, Kergê Çewlîgî” (Mehmed Selîm Uzun), xeylê nuşteyê bînî, şîîrî, nameyê bi kirmanckî, deyîre û fiqrayî estê.
Xebere ra gore kî redaskyonê kovara Vateyî vurîya. Nika ra tepîya Munzur Çem, Denîz Gunduz û Serdar Berdirxan redaktorîye kenê. Raver ra M. Malmîsanij, J. Îhsan Esper û Mehmed Uzunî redaksyonê kovare ramite.
Kovare Vate serva aversiyayene ziwane ma ra xeyle xebate de rind kerdo. Hete bin ra serva yewbiyane rastnustene ziwane Kirmancki sero game de hewl esto. Hen aseno ke ziwane ma ra cevere amayoxe biye ra. Tede endame Grupe Xebate ra zaf sipas.