Serekê qedexekerde yê DTPî, Ahmet Turk, ewro şaristanê Samsunî yê Tirkîyaya Vakurî de rastê hêrişî ame. Yew merdim ke verê banê edlîye de perra Ahmet Turko ser ke ameybî Samsun ke uca qayîtê dewaya Bulanik bikero, pirnika Turkî şiknaye.
Ahmet Turk sey (jê) qayîtkerdoxî beşdarê dewaya Bulanikî bî. Bulanik de ke girêdayeyê qezaya Muşî yo, uca 15. kanûne 2009 de semedê qedexekerdişê DTPî ra protesto qewimîyaybî ke piranayîşan ra dima di kesî merdîbî û heştêna kî bîbî dirbetinî. Ahmet Turk ke mehkeme ra dima cewabê persanê çapemenîye da û waşt ke şêro bi (ve) erebeyê xo, yew merdim bi nameyê Îsmaîl Çelîk mîyanê polîsan ra vejîya û ramitê Turkî ser. Turk ame berdene ra nêweşxane .
