Yew hewte hêrişê Kobanê ra tepîya, YPG bîlançoyê xo yê pêrodayîşî bi rêxistina terorîste “Dewleta Îslamî” (DÎ) kerd eşkera.
Bîlançoyê YPG ra gore Kurdîstanê Rojawanî de 232 endamê DÎ amey kiştene, 32 cengdaranê YPG kî canê xo day. Boyna yeno vatene ke xeylê çekê giranî kewtî destê YPG, zafê tank û wasitayê DÎ kî amey îmha kerdene.
Çeteyanê DÎ 15. êlule de hêrişê Kobanê kerdbî. Rojhelat û başûrê Kobanê de pêrodayîş hîna dewam benê. Melumatan ra gore 130.000 kurdî remenê bi Kurdîstanê Vakurî ke uca sitar bivînê. Sînor de hêzanê Dewleta Tirkîya mudaxeleyê bextwaştoxan kerd.
