Qirkerdişê Sêwasî ke tey 33 kesî amey qir kerdene, ewro verê cemxaneyê Seyrantepeyî yê Sêwasî de ame yad kerdene.
2. temmuze 1993 de 33 roşnvîrî Otelê Madimakî de veşnayîşê otelî de amey kiştene. Merasîmê yadkerdişî hetê Komela Kulturî ya Pîr Sultan Abdalî ra ame organîze kerdene, bi hezaran kesî şodir verê cemxaneyî de kom bîy. Badêna, heta Otelê Madimakî rê yew nûmayîş dest kerd ci. Şîyayîş de hemserekê HDP Selahettîn Demîrtaş û Fîgen Yuksekdag beşdar bîy. Tede sloganî sey “Heta Mereş bi Sêwas û Roboskî, Şirnex ra bi Licê, ma edalet wazenîme”, “Ma şehîdê Sêwasî xo vîr ra nêkerd, xo vîr ra nêkenîme kî” û “Înanê ke Madimak veşna, ronayoxê AKP yê” amey eştene.
Nûmayîş de keyeyanê qurbanan cayê xo girewt, resimê înanê ke canê xo kerdî vîndî, amey hewa nayene. Dima, qetlîamê Roboskî, Mereş, Dêrsim û Zilanî kî amey yad kerdene. Nûmayîşê yadkerdişî verê Otelê Madimakî de qedîya.
