Hunermendo kurd Hozan Dîno 17 serran ra tepîya êdî Hollanda ra cêreno ra bi Kurdîstan. Dîno: “Xeylê wext vêrdayo ra. Ez biheyecan a.”
Deyîrbaz Hozan Dîno peynîya 1990an de welatê xo terk kerdîbî îltîca kerdîbî bi Hollanda. Nika 17 serran ra tepîya ancîya cêreno ra bi erdanê xo. Dîno Erdêxan ra yo. Goreyê vatena Dînoyî, o bi kênaya xo ya 18serran Rojda ra pîya do racêro Kurdîstan. “Xeylê wext vêrdayo ra. Ez biheyecan a. Bi şarê xo ra newe ra têleweameyîş, înan ra pîyabîyayîş, heyecanêde pîl virazîno zereyê mi de. Ez wazena cuya ucayî biciwîyî. Ez wazena erdanê xo ser o newe ra zergûn bibî.”, deyîrbazê namdarî va.
Hozan Dîno 30. gulane de Îstanbul ra dekewena Tirkîya. Heta ewro Dînoyî çar albumî vetî. Albuma pancine kî prosesê viraştişî der o.
