Xebera DÎHA ra gore, Dêrsim de kampanyaya îadekerdişê nameyê Dêrsimî dest kerde ci. Kampanyaya îmzayan ke hetê Yewîya Hêzanê Şoreşgeran ra organîze bena, hedef kena ke nameyê Dêrsimî ke 21. kanûna 1935 de ameybî vurnayene bi “Tuncelî”, ancîya bibo Dêrsim.
Seba naye Meydanê Seyîd Rizayî de standê kampanyaya îmzayan dest kerd ci. Tey hemserekê beledîyaya Dêrsimî Mehmet Alî Bul kî beşdar bî. Ame dayene vatene ke stand heta 4. gulane do rabo. Dima, yeno waştene ke îmzayê arêbîyayî bêrê rusnayene bi Parlamentoyê Tirkîya ke Dêrsim nameyê xo yo kanî peyser bicêro.
