Roja 09.05.2013 de serek û temsîlkarê des klubanê futbolî yê Almanya ke bi eslê xo dêrsimij ê, amey pêser ke şaristanê Hamburgî de Yewîya Klubanê Dêrsimî ya Almanya (ADKB) ronê.
No kombîyayîş de tayê qerarî amey girewtene. Nînan ra yew qerar o bî ke serra 2014 de ekîbî şêrê Dêrsimî zîyaret bikerê. Her mintiqa ra yew ekîb do tey beşdar bibo û nîya bi DêrsimSpor ra pîya yew turnuva bêro viraştene.
Kombîyayîşo ameyox ê ADKB Şaristanê Stuttgartî, leyê Dêrsimspor Ludwîgsburgî de bêro viraştene.
Endamê ADKB nê ekîbê dêrsimijî yê:
- SV Dersim Rüsselsheim
- FC Dersimspor Duisburg
- CFR Buschbell Munzur Köln
- FC Munzur München
- SKC Munzur Wiesbaden
- Dersimspor Ludwigsburg
- Dersimspor Hamburg
- Al Dersim Berlin
- FC Munzurspor Solingen
- FC Munzurspor Aachen
