Goreyê Rêxistina Heqanê Merdiman a Sûrîye (SOHR) ra ke merkezê xo Londra der o, bi seyan gerîlayê PKK rojanê peyênan de şîy Kobanê ke duştê hêzanê DÎÎŞ de pêro bidê.

Goreyê ajansê xeberan ê fransizî AFP ra, sermîyanê SOHR Ramî Abdurrahman va ke “Tewr tay 800 cengdarê kurdî Suruc ra ver bi Kobanê seferber bîy.” Goreyê Abdurrahmanî ra sermîyanîya PKK emrê seferberkerdişî da.

Labelê hemserekê Partîya Yewîya Demokrate (PYD) Salîh Muslîmî da zanayene ke ê kesanê ke sînor vîyarna, gerîlayê PKK nîyê, ê kesî îxtîyarî şonê Kobanê. “Nînan tede kes bi tecrube çin o. Ê cênc ê ke zerrîya xo ra şonê wazenê bibê endamê YPG.”

Kurdîstanê Rojawanî Kobanê û dewanê xo de hîna pêrodayîşê mabênê terorîstê DÎÎŞ û hêzanê YPG dewam benê.