Weçinitişê parlamentoyê Swêdî de koalîsyonê rastgiran na rey şî raver. No weçinitiş de tarîxê Swêdî de reya verêne de panc (ponc) kurdî bîy parlamenterî.
Sosyal-demokratan ra zêde Swêd de koalîsyonê rastgiran bi (ebe) 49% rayî girewtî û amey virênî. Partîya konservatîf a Fredrîk Reînfeldî 1977 ra tepîya reya verên weçinitiş têdima qezenc kerd. Heto bîn ra hîrê sandalîyî parlamento de kerd vîndî.
No weçinitiş de kurdî zaf rind gureyay, jubînî (yewbînan) rind girewt û peynîye de panc cêncê kurdan bîy parlamenterê Swêdî. Partîya Sosyal-Demokratan ra Roza Guclu û Sadîye Heyder, partîya keske ra Cebar Admîn, partîya lîberale ra Îsmaîl Kamîl û partîya çepgiran ra Amîne Kakebawe weçinitiş ra tepîya besekerd ke bikuyê parlamento.
Partîya rastgiranê ekstreman SD kî bi 20 endaman kotî parlamento. Partîya sosyal-demokratan netîceyê xoyo tewr xirabinî yê 96 serran girewt.
No netîce ra gore gerek ke koalîsyonê rastgiran bi juna (yewna) partîye ra koalîsyon bikero ke nîya hukmat bêro viraştene. Heta nika partîya keske eşkera kerd ke bi ê hukmatê koalîsyonanê rastgiran ra weş ê.
