25 cengdarê YPG û YPJ ke 2014 û 2015 de şehîd bîyî, yew merasîmê defnî de ameyî wedardene. Bi hezaran kesan meyîtê cengdaranê kurdan rast kerdî.
Merasîmê defnkerdişî vizêr Til Hemîs de ame viraştene. 19 cengdaranê YPG û YPG 2014 heyatê xo cengê duştê terorîstanê “Dewleta Îslamî” (DÎ) de dabîyî, 6 cengdarî kî 21. gucige 2015 azadkerdişê Til Hemîsî de kewtî şehîdî. Nameyê nê 6 şehîdan nê yê: Qasim Qasim (Hogir Qamişlo), Şêro Usman (Şêro Qamişlo), Raman Mehmud (Botan Cesur), Ciwan Îbrahîm (Mazlum Qamişlo), Siwar Mehmud (Demhat Qamişlo) û Cegerxwîn Cemîl (Ceger Qamişlo).
Verê Banê Şarî (Mala Gel) taxa Enteriye de bi hezaran kesî ameyî têlewe. Uca ra beşdarî şîyî Goristanê Şehîdan ê Delîl Sarxanî. Temsîlkarê PYD yê kantonê Cizîre kî beşdarê merasîmî bîyî.
