Goreyê merkezê çapemenî yî YPG ra, kantonê Cizîre de hêzê YPG çîp şonê raver. Abîşew operasyonê YPG û YPJ mintiqayê dewê Zila de ame ramitene. Heto bîn ra Kobanê de Tumê Ebû Sirî nika destê YPG der o.
Mintiqaya Zila de dewê Gitarî û çar mezrayê ci operasyonê YPG de ameyî azad kerdene. Nika hêzê YPG û YPJ şonê raver ver bi Silûk. Operasyon de kurdan hem rojhelat hem kî vakurê rojhelatî ra hêriş kenê. Ancîya, xebere de yeno vatene ke çeteyanê “Dewleta Îslamî” (DÎ) hêrişê dewanê Alîya û Ebdalla kerd. Nê dewî rojhelatê Silûkî de 8-9 km dûrî yê.
Kantonê Kobanê de kî pêrodayîş dewam beno. YPG ra gore başûrê rojhelatê Kobanê de operasyonê xo bi serfirazîye qedîya. Ney de tumo stratejîk Ebû Sirî bî azad. Tewr tay hîrê çeteyî kişîyayî.
