20. serrgêra kiştişê Vedat Aydinî ser o o jê (sey) her serre emser kî Dîyarbekir de ame yad kerdene. Vedat Aydin serra 1991 de Dîyarbekir de hete elemanêde polîsê Tirkîya ra ameybî kiştene. Vedat Aydin serekê şaristanê Dîyarbekirî yê Partîya HEP bî.
Şodir ra bi hezaran kesî dormeyê mezela Vedat Aydinî de amey pêser. Leyê wekîlanê kurdan Leyla Zana û Emîne Ayna de xeylê kesî qezaya Surî ra hetê mezela Aydinî ling ra şîy. Şîyayîş de resimê Aydinî ame hewa nayene. Cinîya Vedat Aydinî Şukran Aydin a roje kortej de cayo tewr verên de bîye. Dima, pankartêde girs “Em te ji bîr nakin” (Ma to xo vîr ra nêkenîme) hetê tayê cêncan ra ame darde kerdene. Kurdan pêserameyîş de sloganî jê (sey) “Şehîd nêmirenê”, “Dewleta qetile” ya kî “Heyf” eştî.
Beşdarê pêserameyîşî seba ê kesanê ke raya şoreşî de dinyaya xo vurna, uştî ra û hurmet ra înan musna. O ra dime Şukran Aydin qisey kerd û va, “Mayê kurdî wertaxê dejê merdişî yê. Domanê ma 30 serrî bê pî bîyê pîl. Çê (keye) û dewê ma veşnay. Ma 20 serrî qetilan xo dime ra yîme, înan saye kenîme. Ma vanîme ke kes rawurzo û hesabê naye bido. 20 serran de ma da her çêber (keyber) ro, pêro sermîyanan de qisey kerd. Labelê heta nika qet netîce nêdî. Kesî derdê ma rê çêber (keyber) pira nênano.”
Çond tene roşnvire ma inu kişt. Her çi niya hervi yeno xovirr kerdene. Honday hazar cence ma raye Kurdistan de cane xo da. Nikak sîyaseta kurdî neyra texeliya. 10 serre ra tepîya nika vîneme ke Tirkî re guman nebeno, î vazene ke tena ma bixapne u sîyeseta xoye asîmîlasyon biqedene. 40 mîlyon sar be dewelete nibeneo, no aywo.