Îkonê xoserîya Afrîkaya Başûrî Nelson Mandela resa 93serrîya xo. Afrîkaya Başûrî de roja bîyayîşê Mandelayî ameye bimbarek kerdene. Bi mîlyonan domanî saeta 8:05 de têfek ra veng day vatî “Rind ke bîya”. Keyepelanê cematî jê (sey) Twîtter û Facebook de heyrananê Mandelayî ey rê mesajê pîrozkerdişî rusnay.
Serekkomarê Afrîkaya Başûrî Jacop Zumayî Mandela dewa Qunu de zîyaret kerd û roja mayaxorabîyayîşê ey pîroz kerd. Zumayî uca (uza) Mandela goyna û va ke ey tarîx û sîyasetê Afrîkaya Başûrî vurna.
Roja 18. temmuze 192 dewletan de jê (sey) “Roşanê Mîyanneteweyî yê Nelson Mandelayî” yena bimbarek kerdene. A roje de manayê aştî û xoserîye yad benê. A roje de însanî 67 deqayî seba komelê xo gureyenê, miletî rê ardim kenê ûsn., çike Mandelayî kî 67 serrê heyatê xo seba komel û şarê xo daybî.
Nelson Mandela serra 1918 de ame rîyê dinya û sîyasetlarêde namdar ê Afrîkaya Başûrî bî. Ey duştê rejîmê Apartheîdî de da pêro, no lej de 27 serrê xo hepis de vêrd ra. Nelson Mandelayî Afrîkaya Başûrî sîstemê nîjadperestîye ra xelisna û Xelata Aştî yê Nobelî girewt. Mandelayî xo kî jê (sey) dostê kurdan musna, Xelata Aştî ya Ataturkî qebul nêkerd. Ey ra gore Ataturk dîktator bî.
Ti derg biciwiye mordeme phet, xirt u bimbarek. Ti sare xo kerd azad xelesna. Ti xelate misto kori niguret. Ti wes be. Mandela Atatirk rejil kerd, iye ma Atatirk goynane. Gerekeke siyasetkare kurdi rece Mandale ra sere. U seba sari bini ni, tena sare xo gureya. Long live Mr. Mandela!