DêrsimInfo dinya ano ra Kirmancîye! Programê ma yo newe de ma şaristananê dinya yew bi yew musnenîme wendox û seyrkerdoxanê xo. Balkêş, bitaybetî, bi kirmanckî.
DêrsimInfo rêzêdokumantarê xo yo neweyî pêşkêşê wendox û seyrkerdoxanê xo keno: Şaristananê Dinya ra. Programê “Şaristananê Dinya ra” her beş de yewna şaristanê dinya yo girso namdar yeno musnayene. Çi tarîx, çi kultur, çi ekonomî bo, her hetê dinya seranser bi kirmanckî û bi kalîteyêde berz ekrananê şima ver der o. Şima besekenê vîdeoyî kanalê DêrsimInfoyî yê YouTube yan kî hesabê Facebookî ser o seyr bikerê.
Beşo 1. de ma şaristanê Kanada yo balkêş Vancouverî zîyaret kenîme. Bi manzaraya xo ya rindeke, hewaya xo ya weşe û şarê xo yo cîya-cîya, Vancouver cayêde atraktîf seba turîstanê dinya yo. Xeylê konferans û fealîyetanê mîyanneteweyî Vancouver de ca girewtê, nînan tede Olîmpîyatê Zimistanî yê serra 2010.
Merdim qayil beno ke qayit bikero. Zof spas seba no kare de rindek.
No video ma hewte peyen New York te musnayinime, deste sima sax bo, projeye niyanen seba raversiyayise ziwane Zazaki role de muhim ceno.