Hewtê ra ver nuştoxî û şaîrî Dîyabekir de amey pêser û ronayîşê organîzasyonê Kurd-Pen ke girêdayeyê yewîya nuştoxanê dinya beno, ser o qisey kerd. Yeno waştene ke Dîyarbekir de qisimê organîzasyonî bêro ronayene.
No pêserameyîş de nuştoxo namdaro kurd Yaşar Kemalî kî cayê xo girewt. Ey ra dot Seymus Dîken, Mehmet Devîren, Arjen Arî, Lal Laleş, Kawa Nemîr û xeylê nuştox û şaîrê kurdî beşdar bîy. Na game raver ra mîyanê Pen Enternasyonal de qebul bî. Plan ra gore gerek Kurd-Pen konferanso yewin (juyin) ê PEN de bêro qebul kerdene.
Kurd-Pen armancê xo de wazeno ke problemanê sîyasî û komelkî yê şarê kurdî û raverberdişê edebîyatê kurdî ser o vindero. Zonê (ziwanê) kurdkî ra qederî kî armenîkî û sûryankî tey bibo. PEN raver ra welatê baskan û Katalanya de kî şubeyê nîyanênî kerdîbî ra.
